NATO ომს სამ დღეში დაასრულებს, თუ რუსეთი მის ბაზას დაარტყამს – არესტოვიჩი

უკრაინის პრეზიდენტის ადმინისტრაციის უფროსის მრჩეველი, ალექსეი არესტოვიჩი ამბობს, რომ NATO ომს სამ დღეში დაასრულებს, თუ რუსეთი მის ბაზას დაარტყამს.

არესტოვიჩს სთხოვეს კომენტარი გაეკეთებინა ვარაუდზე, რომ რუსეთის პრეზიდენტმა, ვლადიმერ პუტინმა შეიძლება გასცეს NATO-ს ბაზაზე დარტყმის ბრძანება უკრაინის არმიისთვის იარაღის მიწოდების შეფერხების მიზნით.

“კარგი, დაე, მან მიაყენოს [დარტყმა]. მე ვფიქრობ, რომ შემდეგ ომი სამი დღე გაგრძელდება”, – თქვა არესტოვიჩმა Unian-ის ცნობით.

მანამდე ეროვნული უსაფრთხოების საკითხებში ბრიტანეთის მთავრობის ყოფილმა პირველმა მრჩეველმა, პიტერ რიკეტსმა განაცხადა, რომ “სასოწარკვეთილმა” პუტინმა შესაძლოა განიხილოს ნატოს ბაზაზე თავდასხმა, რათა შეაჩეროს იარაღის მიწოდება უკრაინაში.